DAGUPAN CITY– Natatakot natan iray Pilipino ya manaayam tan mantratrabaho diad Syria kasumpalan na gagaween ya pambobomba diad abitlan bansa.
Diad ekslusibon impituyaw na Bombo Radyo Dagupan ed kinen Bombo Correspondent Celsa Pampilona ya kaplesan ya wala ed Damascus tan tubon Iloilo City, niman ni na palbangon oras diad Pilipinas ginmapo so pambobomba ed lugar da kanyan agga ra makaugip.
Diad katuwaan tonya, linma ni iya diad kasilyas piyan nakatongtong so istasyon na Bombo Radyo ta aglabay na amo da so maingal lapud pagan sikara met so bombaen.
Mabetbet iran makakangel na pansabog kanyan agga ra umpapaway diad abong anggano say amo da.
No nanonotan, nen imbeneg ya bulan, ingangan nen US President Donald Trump so panggaway military strikes kontra ed Syria bilang dusa ed kinen Syrian President Bashar al-Assad lapud say iinapen ya inpangawa met na chemical attack asingger diad kapitolyo na Damascus ya inateyan na 40 totoo.
