DAGUPAN CITY– Dinmagop iray deboto diad nanduruman simbaan katolika diad Pangasinan piyan mimisa kabansag na Ash Wednesday bilang pangigapo na panaon na kuwaresma.
Sinmentro so homily ed panagbabawi na kasalanan tan pankerew na pirdona ed saray kasalanan.
Diad homily nen Lingayen-Dagupan archbishop Socrates Villegas diad Saint John Cathedral, imporek to so panpakumbaba ed panagbabawi na kasalanan.
--Ads--
Impalapag anen Villegas iray sakripisyon nayarin gaween na sakey ya deboto singa say pandasal, pan ngilin tan pantulong ed kaparan too.
Imporek to so importansya na pandasal piyan makapikerew na pirdona.
Kaleaganan tonya, ilaluan so isabi na dake-rakel niran deboto partikular diad Minor Basilica of Manaoag angga ed isabi na Holy week.
