DAGUPAN CITY– Linmeksab so produksyon na ani na saray dumaralos diad ciudad na Urdaneta makasengeg ta naapektuhan ed inpanatake na rice black bug o saray insekto ed saray papageyan.
Onong ed si Urdaneta City Agriculturist Bonifacio Pariñas, ngalngalin amin ya barangay diad ciudad so apektado so produksyon lapud sayan insekto.
Based palapag na pigaran dumaralos, manlapud bulan na Oktubre anggad sayan kaplesan, linmeksab na 50 porsiyento kada ektarya so ani da kumparad say imbeneg ya croping season.
Diad kaplesan, unsulok unkulang apat libon ektarya so apektado lapud saya.
Inkuwanton, natan labat la awalaan na sayan problema diad ciudad da tan maermen ta amin ya barangay da so naapektuan.
Immuna lan naapektuan na black bug so baley na Asingan tan San Manuel tan diad agga iilaluan ya agawa, maples ya tinmayak so peste tan akasabi diad lugar da.
