Dagupan City– Agga untunda so Armed Forces of the Philippines diad pangagaway kurang piyan naerel iray terorista tan rebelden patuloy ya mangugulo diad bansa.
Saya so palapag nen Lt. Col. Isagani Nato, spokesman na Armed Forces of the Philippines (AFP) Northern Luzon Command ed say impituyaw diad sikato na Bombo Radyo Dagupan.
Onong ed si Nato, panseetan na military ya naerel irad lalon maganon panaon.
Inkuwanton, mas triple so pamakasil da na intelligence group pian naala so amin ya impormasyon ed antokaman ya posiblen terror attack.
Kaleganan tonya, kabiangan ed saray baley ya tututukan na militar diad Northern Luzon so baley na Sta. Ana, Buguey, Gonzaga, Camalanlugan, Sta. Teresita, Lallo, tan Aparri no iner 400 ya komunistang grupo so manaamot diad sayan lugar.
