Dagupan City – Nagsagawa ng dayalogo ang mga tauhan ng Basista Municipal Police Station kasama ang mga opisyal ng Barangay Navatat sa pangunguna ni Barangay Captain Agapito Ursua sa Barangay Navatat, Basista, Pangasinan.
Pinangunahan ang aktibidad ng Basista MPS sa ilalim ng superbisyon ni PMAJ Dexter A. Tayaba, Chief of Police, bilang bahagi ng patuloy na pagsisikap ng kapulisan na palakasin ang ugnayan at pakikipagtulungan sa mga opisyal ng barangay.
Layunin ng dayalogo na patatagin ang koordinasyon ng Philippine National Police (PNP) at pamahalaang barangay sa pagpapanatili ng kapayapaan at kaayusan, pag-iwas sa mga krimen, pagtugon sa mga suliranin ng komunidad at pagpapahusay ng kaligtasan ng publiko.
Naging pagkakataon din ang aktibidad upang talakayin ang mga usaping may kaugnayan sa seguridad at hikayatin ang aktibong pakikilahok ng mga opisyal at residente sa mga programa at inisyatiba laban sa kriminalidad.
Binigyang-diin sa naturang gawain ang kahalagahan ng pagkakaisa at kooperasyon ng kapulisan at komunidad upang mapanatili ang isang ligtas at mapayapang kapaligiran sa Barangay Navatat.
