Dagupan City – Masayang ipinagdiwang ng LGU Sta. Barbara, sa pamamagitan ng Office for Senior Citizens Affairs o OSCA, ang Elderly Filipino Week 2026 sa Sta. Barbara Arena.
Nakiisa ang mga senior citizen sa iba’t ibang gawain, kabilang ang Zumba, bilang bahagi ng pagdiriwang na may temang “Nakatatandang Pilipino: May Halaga at Karapatan, May Boses at Ambag sa Bayan.”
Dumalo rin sa aktibidad ang ilang opisyal ng lokal na pamahalaan upang makiisa sa pagdiriwang at ipakita ang kanilang suporta sa mga nakatatanda.
Nagkaroon din ng arroz caldo para sa mga dumalo, habang namahagi naman ng libreng sample products ang isang pribadong kumpanya.
Layunin ng pagdiriwang na bigyang-halaga ang mga senior citizen at kilalanin ang kanilang karapatan, boses, at ambag sa komunidad.
Patuloy namang hinihikayat ang pagbibigay ng suporta at pagpapahalaga sa mga nakatatanda bilang mahalagang bahagi ng pamilya at komunidad.
