Sasabak ngayong Martes, ang Gilas Pilipinas Women sa FIBA Women’s Olympic Pre-Qualifying Tournament sa Guadalajara, Mexico.
Ito’y para mapalakas ang kanilang tyansa na makarating sa 2028 Los Angeles Olympics.
Ito rin ang unang major competition ng Philippine women’s national basketball team sa ilalim ng bagong head coach na si BT Toews.
Nasa Group B ang Pilipinas kasama ang world No. 7 Canada, No. 22 Senegal, at host country nito na Mexico na nasa No. 31 world ranking.
Nasa Group A naman ang Brazil, New Zealand, Argentina at South Sudan.
Iskedyul ng Gilas Pilipinas Women:
Agosto 18, 10:30 a.m. — Pilipinas vs. Mexico
Agosto 20, 7:30 a.m. — Pilipinas vs. Canada
Agosto 21, 7:30 a.m. — Pilipinas vs. Senegal
Aakyat sa susunod na round ang top two teams mula sa bawat grupo, habang ang overall champion ng torneo ang makakakuha ng puwesto sa Olympic qualifiers.
Kabilang sa roster ng Gilas Pilipinas Women sina Vanessa De Jesus, Afril Bernardino, Kent Pastrana, Janine Pontejos, Angel Surada, Louna Ozar, Jack Animam, Sophia Dignadice, Jhaz Joson, Alyssa Rodriguez, Monique del Carmen at Kacey Dela Rosa. | via Bombo John Florez
