Dagupan City – Mahigit 300 alagang aso at pusa ang nabigyan ng libreng bakuna kontra rabies sa isinagawang Anti-Rabies Vaccination Drive ng lokal na pamahalaan ng Mangaldan sa Barangay Osiem.
Pinangunahan ng Municipal Agriculture Office ang aktibidad at bukod sa pagbabakuna, sinagot din ng opisyal ang mga tanong ng mga pet owner hinggil sa tamang pag-aalaga sa kanilang mga alaga.
Aabot sa 340 alagang hayop ang nabakunahan, habang 135 residente naman ang lumahok sa programa bilang pagpapakita ng kanilang malasakit at responsibilidad sa kalusugan ng kanilang mga alagang hayop
Tumulong sa maayos na daloy ng programa ang pamunuan ng Barangay Osiem sa na nagtulungan sa pag-organisa ng aktibidad sa pakikipag-ugnayan sa Municipal Agriculture Office.
Sa patuloy na suporta ng komunidad, target ng pamahalaan na maging protektado ang mamamayan laban sa rabies.
