DAGUPAN CITY– Unaarap ed pigaran kaso iray pupulis ya sangkot diad agawan komusyon ya nansumpal ed paltogan na duwaran grupo na saray pupulis diad sakey ya bar diad ciudad na Urdaneta.
Diad nalan impormasyon na Bombo Radyo Dagupan, nayarin isegepan na kason frustrated murder si PCI Napoleon Eleccion Jr., 37 anyos, PNP member na 2ND Pangasinan Provincial Mobile Force Company (PMFC); kasumpalan ya asangkot diad gulo kaiba so agi ton si P01 Nathaniel Eleccion, 25 anyos, PNP member na 146th 2nd coy RFMB1; say ama dan si Napoleon Eleccion Sr, 60 anyos, retired BJMP officer; tan sibilyan ya agi ton si Nolan Eleccion ya akalaban na grupo di P/Insp Marvin Tacdol, 41 anyos, PNP Member na PNP Crime laboratory diad Camp Crame; Sp02 Ryan Tacdol, 37 anyos, PNP member na Police Security and Protection Group (PSPG) tan say makangawa na resto bar ya kinabat ya si Devid Tacdol, 38 anyos.
Narelieve metla diad pwesto so sanagin pulis ya akadestino diad rehiyon ya sangkot diad insedente.
Ipalima metla diad Camp Crame no iner akadestino ra so ipakseb ya dusa ed say duwaran pulis ya sangkot diad inkagawa.
Man-iimbestiga metla so Internal Affairs Service parad kason administratibo ya posiblen arapen na sarayan pupulis.
No nanonotan, agawa so insidente diad loob na station 22 restobar ed Brgy San Vicente, ciudad na Urdaneta, no iner say duwaran grupo so maniinuman diad lugar bangbalet say grupo nen PCI Eleccion so sinmingger diad grupo nen P/Insp. Tacdol tan diman agaway komusyon tan napaltugan so duwaran dapag.
