Dagupan City– Bahagyan tinmagey so presyo na pigaran Noche Buena Products pigaran simba antes na pasko tan balon taon.
Saya so kinumpirma diad Bombo Radyo Dagupan nen Marjury Lorezco, Chief na Trade and Industry Development Specialist na DTI Pangasinan.
Base ed say sangkaunuran ya monitoring nen October 13 umpapaway ya inmabot ed 51% so nai-record ya sangkatageyan ya intagey na presyo na sakey ya produkto no ikumparad say apalabas ya taon.
Manunaan dia so fruit cocktail ya tinmagey na 7 percent, saray cheese products ya tinmagey met na 13 percent tan mayonaisse tan sandwich spread ya inmabot na 7 percent.
Kaleganan tonya, nilinew na opisyal ya wala met ray produkto ya nanmuray presyo legan ya wala met so agga nanuman na presyo diad saray tindaan.
Immunad saya, impaway na opisina na DTI so listaan na suggested retail prices o SRPs parad Noche Buena items piyan makatulong ed saray managsaliw lautla ta asingger la so holiday season.
