DAGUPAN CITY- Mansasansian ligtas ed Red Tide iray shellfishes ya nanaala manlapud Western Pangasinan, base ed sangkaunuran ya bulletin na Bureau of Fisheries and Aquatic Resources o BFAR Region 1.
Onong ed bulletin, saray shellfishes singa say tahong, talaba, tan urang, alimasag tan arum nira ya nanaala ed saray lugar singa diad Bolinao, Anda, Alaminos, Sual tan Wawa diad baley na Bani, Pangasinan so mansasansian ligtas tan nayarin nailako diad merkado tan nayarin saliwen tan nailuto na totoo.
Kabansag tonya , nanpasakbay met so abitlan ahensiya ed pangan na saray asalitan produkto ya manlapud Matarinao Bay diad Eastern Samar, diad baybayin na Dauis diad Tagbiliran,Bohol, untan met saray nanlapud Puerto Princesa tan Honda Bays diad Palawan makasengeg nanpositibo ed red tide toxin.
Say payo na saray opisyal na BFAR diad publiko so antaen ya maong no iner so nanlapuan na saray shellfish ya sasaliwen da piyan nasiguron ligtas tan agga delikado ed laman.
