DAGUPAN CITY – Inatey legan ya tatambalen diad ospital so lupong tagapamayapa na Brgy Bonuan Binloc, diad ciudad na Dagupan kasumpalan ya asangkot diad aksidente.
Kinabat so biktima ya si Rogelio Narag, 68 anyos tan residente na Sitio America, Bonuan Binloc.
Based imbestigasyon na Dagupan City PNP, pasempet la komon si Narag lugan na tricycle tan wala lad karukuyan na sitio Palatong, Bonuan Binloc nen manleft turn iya bangbalet sakey ya motorsiklo ya imamaneho nen Mark Esver Manipud, 30 anyos, promo dicer tan residente na Banaoang, Calasiao, so nan-overtake met diad kawigin parte na kalsada ya sengegan na inpanbanggaan na duwaran luluganan.
Parehon inawit diad patambalan so duwaran driver diad Region 1 Medical Center (R1MC) bangbalet binawian na bilay si Narag legan ya patuloy ya oobserbaan si Manipud.
Aalagaren no unhantong xso agawa diad pangisegep na kaso o walay nagawan areglo.
