DAGUPAN CITY – Naaruman ni bilang na saray siyudad tan barangay ed interon bansa so inpasilong diad outbreak lapud atagey ya kaso na leptospirosis.
Diad ekslusibon impituyaw na Bombo Radyo Dagupan ed kinen Department of Health Secretary Francisco Duque III manlapud pituran siyudad, walora la so impasilong diad leptospirosis outbreak legan ya manlapud 18 barangay wala lad 25 so kaiba dia.
Onong ed opisyal, lapud patuloy ya pan uran tan delap diad dakel ya parte na bansa so agga arawin akapitan na sakit iray unlulusong diad danum na uran ya kontaminado na sirit na ayep lautla say utot.
Sangkarakelan ya casualty lapud leptospirosis so manlalapud NCR ya akapangikurit na 58 ya kaso.
Diad biek tonya, say ciudad na Dagupan so agni akapangikurit na kaso na leptospirosis lapud ipapatonton ya programa na lokal ya gobyerno nilira ed flood control.
Nanpanonot met iya ed say publiko ya uniwas ya unlusong ed delap tas mas mamaong ya manayam labat diad loob na abong no manuuran.
