DAGUPAN CITY– Intawag imano na Diocese of Bayombong ed say publiko ya mikasakey ed Day of Mourning diad June 18 , 2018 agew na Lunes kabansag na kuma siyam ya agew na impamatey ed kinen Fr. Richmond Nilo kasumpalan ya saya so pinapaltog diad loob na chapel ed Barangay Mayamot diad baley na Zaragosa, Nueva Ecija labi na Simba.
Diad impapaway ya mensahe na Diocese of Bayombong ya diad saman ya agew so kekerewen da ed totoon mandasal para ed kamarurwa na pinatey ya pari tan pian napapeles so kurang na kaso na impatey nen Father Nilo , tan say kareenan na bansa tayo.
Manlapu met ed saman ya agew anggad July 25 so batingtingen na 15 minuto iray kampana, diad oras na alas otso na labi.
Immuna ed saya, gaween na Simbahang katolika so Day of Reparation lapud mantutumbukan ya pagpapatey ed saray pari.
Angiter met na mensahe to so liderato na Lingayen-Dagupan Archdiocese no iner akapaloob diad sulat so tawag imano ed publiko ya mikakasaket ed Day of Reparation ya nagawa no Lunes June 18.
No nanonotan, inatey so abitlan pari kasumpalan ya pinapaltog diad loob na chapel ed Barangay Mayamot, baleya na Zaragosa, Nueva Ecija Simba na labi.
