Duwaran ogogaw ya ibabagan aturukan na dengvaxia vaccine, oobserbaan natan diad sakey ya ospital diad ciudad na Dagupan

DAGUPAN CITY– Oobserbaan natan ed sakey ya patambalan diad ciudad na Dagupan so duwaran ogogaw ya ibabagan aturukan na dengvaxia vaccine kasumpalan ya anengnengan na pigaran sintomas.

Say duwaran ogogaw so nanlapu diad baley na Bani tan Manaoag.

Akabatan ya say duwara so nanlapud saray District Hospital diad probinsiya tan inrefer diad Region 1 Medical Center kasumpalan ya anengnengan na pigaran sintomas na dengvaxia.

No nanonotan, nagmaliw ya kontrobersiya so dengvaxia vaccine kasumpalan ya inatey so pigaran ogogaw diad nanduruman lugar diad bansa kayarin aturukan na abitlan bakuna.