DAGUPAN CITY– Aaralaen na National Bureau of Investigation o NBI Dagupan no ipila ya isegepan na kaso so sakey ya misis ya ibabagan kakumplot na sanasawa diad kason inpanabuso tan extortion ed sakey ya 15 anyos ya marikit diad ciudad na San Carlos.
Diad eksklusibon impituyaw na Bombo Radyo Dagupan ed kinen NBI Dagupan Head Rizaldy Jaymalin, imbaga tonyan aantaen dan maong no walan talagay koneksyon na say inturon kakumplot ya kinabat labat ed ngaran ton Mrs. Austria.
Anggapo ni kasi pakapaneknekan ya walay koneksyon na sayan misis ed say kason kakaarapen na sanasawa ya sikara di Maria Louisa Brillantes tan Florencio Bagaforo Jr. ya sakeya ya maestro diad Pangasinan State University o PSU Bayambang Campus.
Bangbalet, imbaga nen Jaymalin ya akatarya eyan unalagey ya testigo kontrad abitkab sanasawa kanyan saya so panaaralan da.
No nanonotan, base ed say palapag na ina na biktima ya inyamot ed ngaran ya Ana, imbaga ed sikato na anak to ya sikatoy labay ya ibugaw bangbalet agto inmaboloy.
Inmuna ed saya, inreklamo na 15 anyos ya marikit so inpanabuso diad say sikato na abitlan maestro tan say pankeketang ed sikato na asaway suspek na 5,000 kasalat na agtonya pangitayak na litrato to legan ya sikato so aabusuen.
Likod nid uusaran iya na vibrator na suspek ya bii tan pipilitin ya ioral sex si Bagaforo.
