DAGUPAN CITY—Wala ni arum ya kakumplot na public school teacher tan asawa to ya inreklamo na rape tan extortion na sakey ya 15 anyos ya bii diad ciudad na San Carlos.
Diad esklusibong impituyaw na Bombo Radyo Dagupan, ed say ina na biktima ya inyamot ed ngaran ton ‘Ana’, impalapag to ya likod ed narel ya suspek ya si Maria Louisa Brillantes, common law wife na sakey nin suspek ya manaamot la natan ya si Florencio Bagaforo, 50 anyos, sakey ya maestro na Pangasinan State University Bayambang campus, wala ni sakey nin kakumplot danya onong ed say istorya na biktima.
Inyarum ni na sayan misis, ya ginetman ibugaw so anak to likod ed paulit ulit yan aabusuen na maestro tan pankakargay vibrator nen Brillantes ed say kayaryan to.
“Mama walay mambababoy ed siak, ibubugaw da ak ni balet aggak unaaboloy” say istorya na anak ed sikato.
Bukod ed panaabuso tan pangaala na litrato ed say anak to, inusaran da ni vibrator na biin suspek legan dan uusaren tan anggano walay regla to aabusuen iya na abitlan maestro tan kayari so pipilitin iyan i-oral sex.
Lapud saya, akaranas na trauma natan so biktima tan mabetbet ya anggapod sarili tan uni-eyag anggano nanaugip.
No nanonotan, narel si Brillantes diad ginawan entrapment operation na saray kabiangan na NBI Dagupan diad ciudad na San Carlos, kasumpalan ya awaten tonya so P3000 ya marked money ya parte na samay kekerewen ton P5000 manlapud biktima. Say mister toyan suspek so sansia nin aanapen na saray taklay na oley.
