DAGUPAN CITY– Iimbestigahan la na City Health Office diad ciudad na Urdaneta so intagey na bilang na saray naapektuan na dengue diad abitlan ciudad.
Onong ed kinen Dr. Bernardo Macaraeg, City Health Officer diad ciudad na Urdaneta, unaabot ed 75 so kaso nen imbeneg ya bolan na Enero, mas atagey kumpara ed limara na naikurit ed parehon period nen imbeneg ya taon.
Manunaan ya barangay ya akapangikurit na atagey ya kaso so barangay Pinmaludpod tan tinmombok so barangay Nancamaliran, tan barangay Santo Domingo.
Walay sakey ya inatey ya nanlapud barangay Pinmaludpod.
Saya so 3 anyos ya ogaw tan inatey diad Region I Medical Center.
No nanonotan waloran lugar diad probinsya na Pangasinan so akapangikurit na atagey ya kaso na dengue nen bulan na Enero ed sayan taon.
Saya so pikabiangan na ciudad na Urdaneta, Dagupan, Binmaley, Santa Barbara, Lingayen, Binalonan tan Asingan.
Sangka-rakelan na kaso so naikurit diad ciudad na Urdaneta no iner sakey so inatey.
