13 -anyos ya ogaw ya bii, minolestiya na Ninong to

DAGUPAN CITY– Arestado so sakey ya construction worker kasumpalan ya molestiyaen so sakey ya menor de edad ya inanak tonya diad Brgy. Poblacion, Binmaley, Pangasinan.

Diad imbestigasyon na kapulisan, linmad Binmaley PNP so ina tan 13-anyos ya biktima tan indalem diad pulisya so ginawan inpanmolestiya na suspek ya kinabat ya si Roberto De Guzman, 51-anyos, sakey ya construction worker residente diad abitlan lugar.

Onong ed say istorya na biktima, mipapasko ed say suspek so biktima bangbalet bigla iyan inanguban tan kinarapas so pagew to.

Wala lad kustodiya na pulisya so suspek tan unaarap ed kason Acts of Lasciviousness.