DAGUPAN CITY– Apektado so pantatanem na sibuyas diad probinsya na Nueva Ecija lapud ambetel ya panaon.
Napapagaan iray dumaralos diad Bonabon, Nueva Ecija ed sayay panuuran uran ta agga nayarin nasobraan na danum so sibuyas.
Onong ed Department of Agriculture, anggano aliwan mamauran, naapektuan met so sibuyas anggano say pagey no ambetel so panaon makalanor nakukulangan ira na sustansya.
--Ads--
Say payo na opisina, siguruen ya susto so ikakargan abono tan siguruen met ya duga labat tan agga sosobraan na paranum.
Iwasan met so panusar na insecticide piyan agga umpatey iray kulisap ya kalaban na peste singa say army worm.
Tampol met ya ireport diad local agriculture office no walay naimanon diad tanem piyan tampol ya nasolusyunan so problema.
