DAGUPAN CITY– Enelekan labat nen datin Lingayen-Dagupan Archbishop Emeritus Oscar Cruz so pinmaway ya balita nilira ed say impakaermen na Catholic Bishops’ Conference of the Philippines o CBCP ed inpakapatey na saray lider na teroristang grupo ya nangaway gulo diad Marawi City.
Diad eksklusibon impituyaw na Bombo Radyo Dagupan ed kinen Cruz, impalapag tonyan sikatoy mankelaw nen nangel to so abitlan balita ya tinawag ton fake news.
Akaelek labat si Cruz tan impalapag ton no mangipaway na fake news et nakaokolan ya tudtuwa ta halatadon aliwan tuwa.
Inkuwanton peke so abitlan balita tan komon mas pinarakep ni so pinangawa anggano melag piyan panisiaan.
Pinayuan to ray walad beneg na sayan kinmalat ya fake news ya apig pigeren day panag-gawa da.
Immunad saya, imbaga nen CBCP President Socrates Villegas ya anggapoy antokaman ya palapag ya naeermenan o kokondinaen na simbaan so impatey na saray terorista.
