Army worm, nandesyang na ani na saray dumaralos diad Gerona, Tarlac

DAGUPAN CITY– Grabe so panghihinayang natan na saray dumaralos diad Gerona, Tarlac ta makasengeg dadaiset so naani dan ilik lapud inpanderal na Harabas o mas kabkabat ed tawag ya army worm.

Onong ed saray dumaralos diman imbes ya samplora, duwaran sakoy ilik labat la so naani da lapud say army worm ya mamangan na tanaman.

Lapud saya, agda la napipinabangan iray pagey lautla peles nin walad seedling stage labat ni ta dederalen lara na bigis.

No agga nakontrol so idarakel daranyan bigis, nayarin naderal ya amin so bini danya.