DAGUPAN CITY– insegepan la na kaso na Tarlac City PNP so driver na pampasaheron bus ya sangkot diad aksidente na banggaan na bus tan van diad McArthur Highway Bgry. Agoso, Tarlac City.
Onong ed impituyaw na Bombo Radyo Dagupan diad kinen P/Inspector Wilhelm Alcantara, PCP1 Commander na Tarlac City PNP, asingger da lan nasumpal iray dokumento piyan nipasilong ed inquest so driver na pampasaheron bus.
Inkuwanto ya kayarin nampatambal iray pasaheron akaliktar diad aksidente sikaray linman tampol diad kuwerpoy pulisya tan angiter na statement.
--Ads--
Kaleganan tonya, patuloy nin oobserbaan so sakey ya sugatan ya pasahero diad Tarlac provincial Hospital.
No nanonotan, animera so inatey kaibay driver na van tan 14 so asugatan diad abitlan aksidente .
