DAGUPAN CITY – Asugatan so siyamiran too kabiangan so limaran menor de edad ya sanaagi diad karambola na apatiran luluganan diad national highway ed Brgy. Cayanga diad baley na San Fabian Pangasinan.
Base ed inisyal ya imbistigasyon na kapulisan, aksidenten naandi kontrol so mamanihuen ya kotse nen Joseph Cleo Castro tan abangga tonya so sakey ya tricycle ya walay lugan ton 5 menor de edad ya mamanihuen nen George Castro.
Kinabat iray menor de edad ya sanaagi ya sikara di Hana, Daniel, Maria, Mariel tan Antoniette Estayo, residente na baley na Mangaldan.
Lapud saya, asagi na luluganan da so duwara nin tumtumbuken dan luluganan ya sengan na inkiwala na sugat tan gasgas diad laman da.
Anggano say driber na arum nin luluganan so asugatan diad nanduruman parte laman danya.
Diad kaplesan, tuloy ni so imbestigasyon na kapulisan ed abitlan insidente.
