DAGUPAN CITY– Inatey so sakey ya motorista legan ya asugatan so duwaran managlako na pakwan diad sakey ya aksidente ya pikabiangan na sakey ya motorsiklo tan elf truck diad ciudad na Alaminos.
Onong ed inisyal ya imbestigasyon na kapulisan, babagtasen na saray biktiman sikara di Jimmy Ragel alias ‘Jimboy’, 26 anyos, lugan na backride ya si Renzo Banting, so karukuyan na national highway na Sitio Darayasen Brgy. San Vicente, Alaminos City nen saraya so abangga na sakey ya elf truck.
Naandian na kontrol ed motorsiklo so driver ya si Ragel ya sengegan na ipakaaksidente diad gilig na kalsada no iner kulaan met na saray manlalako na pakwan ya sanagin sikara di Mark Jomar Billones, 22 anyos tan Benjie Billones.
Naawit diad patambalan iray biktima bangbalet indeklaran dead on arrival si Ragel. Manpapaabog met la so arum ya biktima.
Diad kaplesan, aanapen la so driver na elf truck ya tinmakas kasumpalan na insidente.
