Headline: 1 inatey, 1 asugatan ed agawan aksidente ed Pangasinan
Dagupan- Inatey so sakey ya laki kalegan ya walad peligro so sakey kasumpalan ya nagawa so aksidente ed baley na Pozurubio ed luyag na Pangasinan.
Legan ya manmamaneho si Milo Bugasao, 47 anyos, ed karukeyan na Brgy Amagbagan ed abitlan baley, nen biglan akabanggaan to so motorsiklo ya mamanehuan nen Dennis Lanon, 32 anyos tan residente lamlamang ed abitlan lugar.
Lapod saya, nibontok so duara ed kalsada bangbalet ta akagamor na graben sugat ed nanduruman parte’y laman si Bugasao.
Lapod saya et tampol ya imbatik ed sangka asingeran ya patambalan si Bugasao tan legan ya tatambalen iya, et naandian lamlamang na bilay, legan ya si Lanon balet et manpapa-abig. Diad kaplesan, gagawen na miyembro na pupulis so malet ya imbistigasyon ed abitlan insidente.
