5 iinapen ya noturyos ya drug personality kabiangan so sakey ya brgy kagawad inatey ed Onetime bigtime ops

DAGUPAN CITY– Inatey so limaran notoryus ya drug personality kabiangan so sakey ya aktibon kagawad na barangay legam ya 13 arum nira so na­aresto kasumpalan so ginawan pasimbalon “One Time Big Time” drug operations na Bulacan Police.

Kinabat iray inatey ya suspek ya sikara di Henry Biñas alyas “Kosa”, kagawad na Brgy. Sto. Niño, Malolos City; Juanito “Kalbo” Calagod alyas “Kalbo” John Erick Miranda alyas Barik sakey ya alyas Obet tan alyas Obet Hernandez.

Onong ed nalan impormasyon na Bomboradyo Dagupan apatey diad engkuwentro si Calagod nen saya so linmaban ed saray pupulis ya nanparisibi na “warrant of arrest” ed say kaso ton frustrated homicide.

Apatey met so apatira niran suspek kasumpalan ya akilaban ira legan ya gagaweey buy bust operation kontra ed sikara.

Nala ed saray suspek so duwaran cal. 38 revolver tan sakey ya pistolized cal. 38 revolver, tan pigaran gramo na shabu.

Naaresto met ed sananey ya operasyon diad luyag so 13 niran totoo.

Akumpiska ed saray narel so P 300,000 kantidad na shabu, aray drug paraphernalia, tan nanduruman paltog tan bala.