DAGUPAN CITY– Nilinew na Pangasinan PNP ya anggaman wala ray lugar diad Pangasinan ya wala ed areas of concern nilirad manasingger ya 2019 midterm elections, anggapo ni impaway ya opisyal ya listaan so Philippine National Police tan Commission on Elections.
Diad eksklusibon impituyaw na Bombo Radyo Dagupan ed kinen PSI Ria Tacderan, Public Information Officer ng Pangasinan Police Provincial Office, inkuwantonya ya anggapo ni official list ya mandedeklara diad saray lugar diad probinsya ya kasali ed election watchlist area.
Imbaga tonya ya kaiba ed waloran lugar ya kabiangan ed areas of concern iray baley na Sto. Tomas, Bayambang, Urbiztondo, Rosales, Pozzorubio, Balunggao, Sual tan syudad ng Dagupan.
Saya so tututukan da tan itda na augmentation force piyan naalwaran so panbanggaan na saray sangkakalaban ya kandidato diad saray abitlan lugar.
Bangbalet, nilinew nen Tacderan ya agga kabaliksan ton no agga akaiba ed areas of concern so sakey ya lugar so paulyanan da la no ingen bantayan nin sansia na saray pupulis.
