Dead on the spot so taloran sanaama kasumpalan ya binmangga so niluganan dan tricycle ed sakeya ya van diad Tarlac City.
Kinabat so driver na tricycle ya si Elesio Mariano legan ya say driver na van so kinabat ya si Mario Soriano.
Onong ed imbistigasyon na aray otoridad, paunla komon diad Sta Ignacia Tarlac si Mariano kaiba so duwaran anak ton sikara di Eloisa tan Joshua Mariano pian manaliw na balon kawes ya isulong dad graduation nen binmangga so niluganan dan tricycle ed van ya imamaneho nen Soriano.
Diad kasil na banggan, sinmilong tan adalanan na van so sanaman sikara di Elesio tan Joshua legan ya apoolan so laman nen Eloisa kasumpalan ya apoolan so niluganan da.
Todo dipensa so drayber na van ya si Soriano tan ibabagan makalnay pabatik na luluganan to.
Inkuwanton, sinakop na tricycle so linya sengeg na inpanbanggaan da.
Kaleganan tonya, aka-arap ed kason Reckless imprudence resulting to multiple homicide and damage to property so naareston suspek.
