DAGUPAN CITY– Kasumpalan ya makapangikurit na atagey ya lebel na danum lapud anggapoy tundan panuran, pannononotan na National Power Corporation no manlukas na kaaruman ya gates so San Roque Dam.
Diad impituyaw na Bombo Radyo Dagupan ed kinen Odette Rivero spokesperson ng National Power Corporation, mansasansian akabantay so opisina da ed kipapasen na panaon tan say karakel na danum ya unloloob diad dam.
Inkuwanton no manpatuloy so panuran tan unlampas ed critical level so lebel na danum diad San Roque so nayarin naaruman so duwaran gates ya Lukas ed kaplesan.
Bangbalet no unabeba so inflow na danum nayarin imintina labat ya Lukas so duwaran gates.
Impalapag met na opisyal ya marakep lay kipapasen na interon dam lapud saray safety measures ya ipapatonton mismo na manooley na San Roque Dam.
