DAGUPAN CITY– Masyadoy ermen na saray pamilya na sakey ya 39 anyos ya Overseas Filipino Worker o OFW diad Oman ya si Jaime Gutierrez lapud bangkay lan naisempet diad abong da diadb arangay Sabangan ciudad na Alaminos, luyag na Pangasinan.
Manisia so pamilya ton saya so pinatey.
Onong ed say sampot ya impitongtong na pamilya to ed say biktima, saya so papairapen antes ya pasempeten manlapud trabaho.
Akabatan ya 2013 sa nen nantrabaho si Gutierrez bilang cook diad Saudi Arabia.
Bangbalet kasumpalan na masolok ya taloran taon so inyales na say amo to diad Oman.
Marso ed sayan taon nen abalitaan dan inatey iya ed aga antan rason.
Koneksyon ed saya, unkekerew so pamilya to ed kinen president Rodrigo Duterte ya tulongan iran nagamuran so hustisya.
Diad kaplesan, tuloy ya iimbestigaan na Department of Foreign Affairs so makasengeg na inateyan na OFW lautla nanduruman version so umpapaway ya sengeg na impatey to.
Aalagaren met la so resulta na otopsy ya makapangiter na liwawa ed tudtuwan sengegan na impatey to.
