Unkekerew na kooperasyon si Philippine National Police Chief Director General Oscar Albayalde ed amin ya kandidato para ed 2019 midterm elections .
Diad inbisita diad PNP Regional Office I ed luyag na La Union, kinerew na opisyal so kooperasyon tan disiplina na aray unbabatik ya indibidwal.
Onong ed kinen Albayalde, anggano gaween dan amin so manepeg pian mareen tan mauksoy so eleksyon no aga met lamang mitolongan iray kandidato so anggapo so pansumpalan.
Marakep no say ipatonton natan ya eleksyon so “civilized way’.
Inkuwanton, gaween na aray pupulis so trabaho da tan komon untan met saray kandidato.
Nilirad saya, nanpormisa si Albayalde ya mas eletan da ni panprepara ed manasingger ya eleksyon piyan nasiguro so seguridad tan uksoy ed eleksyon.
