DAGUPAN CITY – Nanpasakbay iray otoridad ya makaranas na baleg ya delap so probinsya na Pangasinan lapud impangilukas na apatiran gates na San Roque Dam.
Diad ekslusibon impituyaw na Bombo Radyo Dagupan ed kinen Anthony Mata, weather facility specialist one na Agno River Flood
Forecasting System inkuwanton saray baley ya nayarin nadelap say San Manuel, San Nicolas,Tayug, Asingan, Sta. Maria, Rosales, Villasis, Sto. Tomas, Alcala, Bautista,Bayambang, Mangatarem, Urbiztondo, Part of San Carlos City, Aguilar,Bugallon, Lingayen tan Labrador.
Mansasansian lukas so apatiran gates na San Roque Dam no iner mangipapaway iya na 298.0 cms ya danum.
Inyarum tonin say umpapaway ed dama so para ed panpatelek na turbina to ya 182 cms.
Sumatotal,walay 480 cms so outflow na abitlan dam.
Nilirad saya, inabisuan so amin ya apektadong residente ya mikasakey ed panawagan na saray otoridad ya masakbay lan unlikas no nakaokolan.
