Dagupan City-Pannononotan natan na liderato na National Power Corporation (NAPOCOR) no aruman so bilang na gates na San Roque Dam ya lukasan piyan mangibawas na danum lapud patuloy ya panuuran diad luyag makasengeg ed Habagat.
Diad ekslusibon impituyaw na Bombo Radyo Dagupan ed kinen Mam Odeth Rivero, spokesman na National Power Corporation (NAPOCOR), saya et lapud patuloy ya baleg ya inflow paunlad San Roque dam lautla akalukas so amim ya gate na Binga tan Ambuklaw Dam ya sasaluen na San Roque.
Impaliwawa ton nawawalaan na water spilling operation no naabot la so normal high water level tan nakaokolan ya mangibolos na danum.
Inkuwanto ya komon natalusan iya na publiko ta no saya so agda gaween napapagaan ira diad integridad na dam.
No nanonotan, nen imbeneg nin agew nanbolos na danum so San Roque Dam .
Immuna ed saya, imbaga to diad Bombo Radyo Dagupan nen Anthony Mata, weather facility specialist one na Agno River Flood Forecasting System ya nayarin naapektuan tan nadelap iray baley na San Manuel, San Nicolas, Tayug, Asingan, Sta. Maria, Rosales, Villasis, Sto. Tomas, Alcala, Bautista, Bayambang, Mangatarem, Urbiztondo, parte na San Carlos City, Aguilar, Bugallon, Lingayen tan Labrador.
