DAGUPAN CITY- Arestado ang 2 menor de edad na High-Value Target habang pinaghahanap naman ang 1 sa Marijuana Eradication Operation ng Philippine Drug Enforcement Agency at Philippine National Police sa Barangay Mapita, bayan ng Aguilar kamakailan lamang.
Sa panayam ng Bombo Radyo Dagupan kay Rechie Camacho, Provincial Officer ng PDEA-Pangasinan, dakong 5:55 ng hapon ng natimbog sina Sherwin Leo Diwa, 17 anyos, at si Joshua Tomita, 15 anyos.
Habang pinaghahanap naman si Rudy Mallari.
Hinala naman ng otoridad na nagkaroon ng lakas ang mga ito na magtanim ng ilegal na marijuana dahil bandang bulubundukin ang kanilang planta.
Ngunit, kasalukuyang inaalam pa ang may ari ng lupain ng pinagtaniman nito.
Aniya, nakita umano nila ang 3 planta na may fully-grown marijuana na halos umaabot sa 4k Sq meters at may kabuoang halaga na P 3,850,000
Samantala, nasa kustodiya naman ang mga suspek sa Women and Children Protection Department habnag hinihintay mapatawan ng kaukulang kaso ang mga ito.
