DAGUPAN CITY—-Inmabet ed 160 jeepney drivers diad luyag na Pangasinan so akisali ed tigil pasada natan ya agew ya inkasa ya nanduruman transport group diad bansa.
Kabiangan iya na saray jeepney drivers nan lapod baley ya Laoac, Pozorrubio, Binalonan tan syudad na Urdaneta.
Paliwawa na saray jeepney driver tan operators, sayan kurang da et pangipanengneng ed gobyerno na tutol ira ed say planon pan-phase-out ed saray daan la iran luganan ya abet la ed 15 taon o masulok ni so bayag ton nia.
--Ads--
Kerew da ya dengelen met na gobyerno so kerew da antis na ipatonton iya lapod dakel met so naandian na trabaho.
