DAGUPAN CITY– Sakey so inatey legan ya apatira so maswerten akasalba kasumpalan ya apigar so niluganan dan bangka diad Lingayen, Pangasinan.
Kinabat so biktima ya si Michael Salvador, residente na Brgy Baay diad baley na Lingayen.
Onong ed impormasyon, mangala komon na sira so biktima kaiba ira di Gian Carlo Salvador, 10 anyos , Rizalino Esteban, 15 anyos , Fernando Bernardo, 58 anyos tan Segundo De Leon, 23 anyos nen napano so danum na niluganan dan bangka.
--Ads--
Lapud saya so tinmaboy diad danum iray biktima.
Ginetma nen Salvador ya iligtas si Gian Carlo bangbalet aguyor na maksil ya agos na danum.
Maswerte met ya akaligtas so arum nin biktima.
Nalmo so bangkay na biktima pigaran metro asingger diad silong na taytay.
