DAGUPAN CITY- Mahigit P4-million na halaga ng shabu ang natagpuan ng dalawang mangingisda na palutang-lutang sa karagatan sa Brgy Estanza, bayan ng Bolinao.
Ayon kay PLTCOL. Radino Belly,Chief Of Police ng Bolinao PNP, higit-kumulang 20 nautical miles ang layo nito sa karagatan nang matagpuan ng mga mangingisda ang palutang-lutang na container na nakabalot naman sa duct tape. Agad naman umano nila itong itinurn over sa himpilan ng kapulisan.
Mayroon umano itong bigat na 670.81 grams.
Kanila naman nila itong sinuri kung saan positibo nilang tinukoy na shabu ito.
Samantala, wala naman aniyang nakitang iba pang kahina-hinala ang mga mangingisda, maging ang mga kapulisan na nagsuri din sa kapaligiran kung saan natagpuan ang naturang shabu.
Nagpaalala naman sa PLt. Col. Belly sa mga residente na ipag-alam agad sa mga otoridad kung makakita din sila ng mga kahina-hinalang bagay.
