DAGUPAN CITY– Manpapaabig la diad patambalan so limaran totoo kaiba so sakey ya menor de edad tan sakey ya lola kasumpalan ya naaksidente legan ya lugan na motorsiklo diad karukuyan na Brgy. Polong Norte ed baley na Malasiqui, Pangasinan.
Kinabat so nanmaneho na motorsiklo ya si Romeo Mulasan, 55-anyos legan ya kinabat iray lugan tonya ya sikara di Jenny Torres 18-anyos, Janice Torres 16-anyos, Raymark Poquis 20-anyos, tan Benita Ventenilla 60-anyos , residente ira na Brgy. Alyaga diad abitlan baley.
Kinabat met so driver na sakey nin luluganan ya si Dennis Caragan, 35-anyos, sakey ya OFW tan kaiba toy sakey ya manngaran na Ruby Eburia, 34-anyos , residente met diad abitlan baley.
Diad imbestigasyon, nan-overtake so luluganan ya imamaneho nen Caragan tan binmangga iya ed motorsiklo ya niluganan na saray biktima ya sengegan na head on collission.
Binmantak diad kanal iray akalugan na motorsiklo tan awalaan ira na sugat diad laman. Tampol met iran inawit diad patambalan. Maswerten agga balet asugatan so lugan na sakey nin luluganan.
Kaleganan tonya, patuloy so imbestigasyon na saray otoridad ed abiltlan insidente.
