DAGUPAN CITY– Sakey labat la konon istratehiya o taktika labat lay pinmaway o tinmayak ya fake news piyan elewen iray totoo onong ed kinen National Security Adviser Hermohenes Esperon Jr. nilirad agawan enkwentro diad baley na San Nicolas diad probinsya na Pangasinan nen Biyernes.
Onong ed kinen, parte labat la na taktika na saray rebelde piyan elewen so totoo ed say tinmayak ya balita nilirad agawan inpan-atake na NPA diad abitlan baley bangbalet say katuwaan saya so lehitimon operation.
Inkuwanto ya aliwan tuwa ya walay pwersay New People’s Army o NPA diad nanduruman parte na Eastern Pangasinan tan nayarin walay pwersa daranya bangbalet agda nasarag so baleg ya pan-atake.
No nanonotan, tinmayak diad social networking site ya Facebook ya inerel na saray NPA so Mayor na baley na San Quintin ya malet ya imburi na PNP.
Normal met iya konon isyu lapud say abitlan lugar ya akagawaan na insidente so boundary na nanduruman probinsya singa say Benguet, Nueva Vizcaya, tan Nueva Ecija tan ilaluan ya talagan dia undadalan iray rebelde.
