DAGUPAN CITY– Matalonggaring so inpan-umpisa na election period diad interon luyag Pangasinan.
Aya so impalapag nen Atty Alipio Alonzo Castillo III say balon Provincial Election Supervisor diad probinsya.
Nanpasalamat so opisyal lautla diad dapag na sarayu upulis ta apansansia da so uksoy tan kareenan lautla diad saray lugar ya akabiang ed listaan na election hotspot na PNP.
Ginawa met so unity walk tan say inpanpirma na peace covenant.
Say abitlan aktibidad so inkurang na Philippine National Police (PNP) tan Commission on Elections (Comelec) kaiba iray kandidato ya untatagam ed nanduruman posisyon ya nanlapu ed nanduruman partido.
Nilira ed saya, impalapag nen Castillo ya epektibo la so ‘gun ban’ o say pangisesebel na panawit na aray armas.
Saray pupulis, sundalo, tan aray security personnel ya walay exemption tan aka-duty so nayarin manawit na paltog.
Ginmapo metla so pangipatonton na aray checkpoints diad nanduruman baley.
