DAGUPAN CITY– Tuloy so imbestigasyon nza Northern Luzon Command (NolCom) no antoy sengegan na impatey na duwaran Vietnamese fishermen diad engkuwentro ed baetan da tan say Philippine Navy ed parte na West Philippine Sea.
Aantaen na NolCom kaibay Philippine Navy, Philippine National (PNP) Police, tan Department of Foreign Affairs (DFA), no antoy tuwan inkagawa akin inatey so duwaran abitlan managsigay ed ginawang operasyon.
Kinabat iray inatey ya dayuan ya sikara di Le Vam Liem, tan Le Van Reo, parehon 41-anyos. Legan ya say limaran naaresto so kinabat ya sikara di captain; Phan Lam, 34; Nguyen Thanh Chi, 49; Phan Van, tan Nguyen Van Trong, parehong 41-anyos, residente na Phu Yen diad Vietnam.
Onong ed report, naaktuan ya manaala na sira iray Vietnamese fishermen diad kaarawin 32 nautical miles ed baley na Bolinao kanyan niradyuan ira na Philippine Navy bangbalet agra nanpanengneng na koordinasyon.
Awalaan ni na warning shot so Philippine Navy bangbalet agga inmonor iray dayuan tan nangetman takasan iray otoridad.
Dia la agaway usilan diad pegley na dayat ya nanresulta na inpamaltog ed duwara legan ya narel so limara lapud iligal ya pansigay.
Nala ed posisyon da so 250 kilos ya yellow fin tuna tan pigaran nin klase na sira.
Kaplesan ya wala lad kustodiya na Bolinao-PNP so limaran Vietnamese fishermen ya narel kaleganann ya wala metlad punerarya so duwaran inatey
