DAGUPAN CITY—Inatey so sakey ya grade 10 student legan ya sugatan so sakey diad banggaan na tricycle tan truck diad baley na Rosales, Pangasinan.
Kinabat so inatey ya biktima ya si John Clay Mendoza, 16 anyos tan residente na Brgy. Tomana West, Rosales legan ya asugatan so driber na tricycle ya si Reynaldo francisco, 24 anyos tan residente na Brgy Balincanaway diad abitlan baley.
Onong ed impormasyon, akalugan diad tricycle so biktima tan wala rad karukuyan na Brgy Balincanaway nen mibangga irad sakey ya g delivery truck ya imamaneho nen Rodel Alcontin, 29 anyos tan residente na Libis Baliuag Bulacan.
Lapud saya, binmantak iray biktima diad kalsada ya sengegan na inpakagamor na sugat diad nanduruman parte na laman da ya inateyan ya tampol nen Mendoza.
Diad kaplesan, tuloy so imbestigasyon na kapulisan ed abitlan insedente .
