Duwaran milyon ya deboto, iilaluan ya undagop diad pamosong Minor Basilica of Our Lady of Manaoag ed panaon na Semana Santa onong ed PNP

DAGUPAN CITY- Aga unleksab ed duwaran milyon ya deboto tan saray bisita so iilaluan na PNP ya undagop diad pamoson Minor Basilica of Our Lady of Manaoag ed sayan panaon na semana santa.

Onong ed kinen PCI Dave Mahilum, hepe na Manaoag PNP, diad tantya da unabot ed duwaran milyon ya totoo to unlad pamosong Minor Basilica of Our Lady of Manaoag.

Inkuwanto ya diad agew na Huwebes, o Maundy Thursday so peak o sangkarakelan na toon unlad abitlan baley.
Kaleganan tonya, impasiguro na hepe ya akatarya so hanay da parad seguridad daray totoo tan nasiguron anggapoy nagawan krimen.

Nanpayo met iya ed saray bisita ya agga mangaawit na baleg ya kuwarta no aga nakaokolan tan malet ya manbantay ed liber liber piyan naiwasan ya mabiktima na pantakew.