Dagupan City – Muli na namang pinatunayan ng Dagupan City Police Office (DCPO) ang kanilang kahusayan matapos makamit ang Rank 1 sa buong rehiyon 1 sa Unit Performance Evaluation Rating (UPER) para sa una at ikalawang quarter ng taong 2026.
Ito ang opisyal na pamantayan ng Philippine National Police (PNP) na sumusukat sa kakayahan at bisa ng mga yunit sa mga pangunahing larangan—tulad ng pag-iwas sa krimen, mabilis na paglutas ng mga kaso, at pakikipag-ugnayan sa mamamayan.
Sa pahayag ni PCOL ARNOLD P SOLOMON, City Director ng DCPO, pinapurihan niya ang lahat ng tauhan ng istasyon dahil sa kanilang matibay na dedikasyon sa tungkulin.
Ibinigay din niya ang parangal sa pinaiiral na prinsipyo ng DCPO na BANGUS: Benevolent PNP Dagupan City that is Alert and Felt, Noble in duty, Guided with integrity, Upholding peace and order, and dedicated to Swift service to God, country, and people.
Ang ganitong pamamaraan ay naaayon sa Enhanced A.L.E.R.T.O. Framework ng Police Regional Office 1 (PRO1) at sa pangkalahatang layunin ng PNP sa ilalim ng temang “Bagong PNP para sa Bagong Pilipinas: Serbisyong Mabilis, Tapat, at Nararamdaman.”
Bukod sa kanilang sariling pagsisikap, nagpasalamat din ang pamunuan ng DCPO sa Lokal na Pamahalaan ng Dagupan at sa buong komunidad para sa patuloy na tiwala at pakikipagtulungan—na nananatiling mahalagang sandigan ng kapayapaan, kaayusan, at mahusay na serbisyo publiko sa lungsod.
