Inaasahang makatutulong sa pagpapababa ng presyo ng pagkain at enerhiya sa Pilipinas ang naging pakikipag-usap ni Pangulong Ferdinand Marcos Jr. kay US President Donald Trump. Layunin nitong mabigyan ang bansa ng mas maraming mapagkukunan ng mga pangunahing produkto sa mas murang halaga.
Sinabi ni Pang. Marcos na binuksan ng Estados Unidos ang merkado nito para sa mga produktong agrikultura at enerhiya ng Amerika na maaaring bilhin ng Pilipinas.
Kabilang sa mga produktong pinag-usapan ang soybeans, trigo at bigas, gayundin ang mas murang suplay ng enerhiya upang makatulong sa pagpapababa ng gastusin ng mga Pilipino.
Ayon sa Pangulo, malaking epekto sa presyo ng pagkain ang pagtaas ng presyo ng langis kaya mahalagang makahanap ng mas abot-kayang mapagkukunan ng enerhiya at mga pangunahing bilihin.
“The agri products in the United States have been highly, highly regulated. Dati ang hirap pumasok sa merkado nila. Now that has been made available to us, and that’s what – those are the things that we are discussing.With the discussion with President Trump, if you want the takeaway there is that he opened American markets to the Philippines when it comes to energy and food,” pahayag ni Pang. Marcos.
Samantala, patuloy ding naghahanap ang pamahalaan ng karagdagang kasosyo sa iba’t ibang bansa upang matiyak ang sapat at mas murang suplay ng mga pangunahing produkto. Sinimulan na rin ng mga kalihim ng Gabinete ang pagtalakay sa mga detalye ng kasunduan.
“The other discussion that we had with President Trump, really, in terms of trade, centered around energy and, again, food. Kasi ‘yan ang problema natin. Our inflation is like that because of the inflation rate of oil. And that’s the direct correlation that everybody sees. Food naman, the increase in food is because of the increase in oil. Increase in price in oil. It’s all part of it. We are looking for cheaper sources of food products. We are looking for cheaper sources for energy, energy importation. And that is – the bulk of our discussion with President Trump was that,” dagdag pa ni Pang. Marcos. Via Bombo Analy Soberano










