Mangawa na motu proprio investigation sp Commission on Human Rights(CHR) nilirad human trafficking ed saray Lumad ya manlalapud Quezon, Bukidnon ya nantrabaho diad sakey ya fishpen diad Sual, Pangasinan.
Onong ed kinen CHR spokesperson Jacquline de Guia, akatakas iray 34 Lumad ni iner pinilit ya pinantrabaho na 15 hours ed sanagew tan agga binayaran ed say apanpaknaan ya sweldo.
Duwamplo tan walo diad saray akatakas so tampol ya linmad Central office naCommission piyan unkerew na tulong.
Imbaga nen de Guia ya inibaan na team da tan saray representante na nanduruman grupo piyan unsingger diad Batasan Police Station VI parad pangisegep na reklamo.
Kaleganan tonya, say CHR, Department of Social Welfare and Development (DSWD), Civil Society Organizations, tan National Commission on Indigenous People so nan opresi na tulong pinansyal ed saray Lumad piyan sikaray makasempet diad Bukidnon.
Likod ed saya, wala ni 17 ya Lumad so arecruit ya mantrabaho diad kaparehon fishpen so naisalba na CHR diad tulong na Sual Municipal Police Station, tan Social Welfare and Development Office na Pangasinan.
Kaleganan tonya, walay babantayan ya fish pen so CHR diad Rosario, La Union no iner wala ni 10 Lumad so akatakas.
