Misalsalamat so sakey ya simbaan diad luyag na Pangasinan ed say inter ya tambal na Bombo Radyo tan Star FM Dagupan bilang parte na Bombo Medico 2019.
Onong ed kinen Father Roland Anthony Gavina na Archdiocesan Social Action Center na St John cathedral diad ciudad na Dagupan baleg ya tulong so inter ya tambal ed gagaween dan Medical mission kada Linggo no iner saray indigent iray benificiaries.
Pigaran kahon na tambal parad saray matatakken ya singa say parad highblood, athritis, gout, atagey ya cholesterol, tan arum nin vitamins tan paracetamol so inter diad saray ogogaw.
Kabansag na impangawat na abitlan simbaan na saray tambal natan ya agew so impangipasabi day pisasalamat da diad Bombo Radyo Philippines ta apaneknekan dan aliwa labat lan saray balita so niiter da diad say publiko tan ag say social corporate responsibility to ed saray umbaley lautla saray mankaokolan.
