DAGUPAN CITY – Say Bombo radyo Dagupan tan newsfeed ed facebook akabatan na saray residente ed Riyadh Sudi Arabia so agawan impanpasabog asinger ed Khalid International Airport.
Diad agawan impituyaw ed kinen Jengky Ferrer, nurse ed King Abdulaziz University Hospital ed Riyadh, ingkuan ton diad social media to labat akabatan so abitlan balita tan akumpirma to nen sikatoy tinawagan na bombo radyo dagupan pian pituyawan.
Onong ed kinen Jengky, isesebel ed abitlan lugar ya pantotongtongan so nipapaakar ed bombing o pampapasabog. naa-antaan labat iraya na saray residente so detalye no asumpa la so unyan agawa.
Inyarum to ni, ya no kontrolado la so unyan nagagawa et isesebel la ya pantotongtongan ed abitlan lugar.
Ingkuan to ni ya anggapo ni makaanta ed saray kakaiba to tan arum ni ran pinoy so nipapaakar ed abitlan balita, kanyan agto labay so manpa interview diad takot ton pampasnukan da odino naandian ya na trabaho.
