Akatagey nin sansia so blue alert status diad opisina na Provincial Disaster Risk Reduction and Management Office (PDRRMO) Pangasinan anggano asumpal la so obserbasyon na Semana Santa.
Saya so kinumpirma ed exclusive interview na Bombo Radayo Dagupan nen PDRRMO Spokesperson Avenix Arenas.
Inkuwanton, tuloy so pangagawa da na malet ya monitoring na ahensya anggano dakel lay pinmapawil diad trabaho da kayari na Holy Week break iilaluan ya dakel nin sansia ray totoon unpasyar diad probinsya natan ya bakasyon.
Kaleganan tonya, kinumpirma nen Arenas ya mas dakel natan so pinmasyar diad probinsya lautla diad saray dayat nen apalabas ya obserbasyon na kuwaresma kumpara nen imbeneg ya taon ta nibanan bakasyon la na aray estudyante nen nitapat so kuwaresma natan ya taon.
Diad katuwaan tonya, manlapu nen Sabado anggad say Easter Sunday, wala la ed 15,000 ya totoo so linma dia Lingayen Gulf .
Anggaman impasiguro ton lapud collaborative effort na aray concerned agencies so kontrolado da ni situwasyon ed panbabantay diad probinsya.
